قصة عشق من الباديه عايش ونوره

بسم الله الرحمن الرحيم

كل احد يعرف ان اروع قصص الحب الحقيقي كانت في السابق في البادية ..

منهم ناس معروفين الى هذه اللحظه مثل قيس وليلى ..

ومنهم ناس غير معروفين .. الله يرحمهم

قصه حقيقه حصلت في قريه قريبة من مدينة الرياض في السعوديه قبل ان تسمى الرياض.

كان هناك شاب اسمه عايش يعيش في هذه القريه وكان يحب بنت اسمها نوره

وفي يوم من الايام ذهب عايش لكي يخطب نوره ولكن ابو نوره رفض

لأن عايش كان على قد حاله وما عنده حلال ولا عنده فلوس كثيره

فشاف عايش نوره عقب ما طلع من عند ابوها

وقالها : نوره انا راح يصير عندي فلوس وراح اشتغل وراح ارجع اخطبك واتزوجك

ونوره كانت تحب عايش فوافقت انها تنتظره.

سافر عايش الى منطقه مرموقه في السعوديه وصار يشتغل في التجاره

ومرت الايام وصار عنده فلوس بعد ثلاث سنين ورجع لقريته عشان يطلب يد نوره من جديد ويتزوجها

ولكن لما رجع القريه تفاجى انه نوره تزوجت لان ابوها اصر عليها انها تتزوج

وكان عندهم البنيه لازم تتزوج اذا جاها شاب قادر على الزواج.

وتفاجى ايضا انها مب بس تزوجت بل هاجرت الى مكان ثاني مع رجلها ولا احد من القريه يعرف المكان.

فقام صاحبنا عايش وقال بيت شعر (ابنشدك عن نور القمر وشلون "نوره")

وقرر يسافر ويدور على نوره.

ومر على القريه الاولى وراح وسلم على امير القريه وقاله انا عندي لغز واللي يجاوب عليه بعطيه نص حلالي

فقاله الامير وشو اللغز قال: (ابنشدك عن نور القمر وشلون "نوره" ؟)

احد الجالسين قال له ابيض .. واحد ثاني قاله اصفر وكل الاجوبه غلط محد عرف حل اللغز.

فسافر الى قريه ثانيه وطرح عليهم نفس اللغز ومحد عرف الجواب

راح للقريه الثالثه ووصلهم قبل غياب الشمس وكان تعبان من السفر فقالهم انا عندي لغز واللي يعرف يحله بعطيه نص حلالي

قالهم (ابنشدك عن نور القمر وشلون "نوره" ؟)

محد عرف الجواب .. فقالهم انا اليوم بنام عندكم لاني تعبان واللي يعرف الجواب يقوله لي الصبح

ومن بين الحضور بالصدفه كان زوج نوره موجود فرجع للبيت

وقالها : نوره !! قالت له : سم ؟

قال: جانا اليوم واحد خبل رغم إنه تاجر بس كلامه كلام خبول .
يقول عندي لغز واللي يحله بعطيه نص مالي وحلالي كله, فقالت له : قولي وشو اللغز يمكن احله

قالها (ابنشدك عن نور القمر وشلون "نوره" ؟) فبتسمت نوره وعرفت إنه حبيبها القديم عايش .

وقالت لزوجها :عرفت الجواب قال لها : صدق؟

قالت له : قوله (مثل السمك في البحر وشلون "عايش"؟)

فقام الصبح رجل نوره وراح وقاله: انا عرفت الجواب فقاله : وشو الجواب

قاله (مثل السمك في البحر وشلون " عايش" ؟)

فبتسم عايش وقاله هذا نص مالي وحلالي
..
ورجع لأهله بعد ما أعطاى زوج نورة ثروة قوية . لانه ما يبي حبيبته نورة ينقصها أي شي .
=

وهذا الحب الحقيقي بالأزمان السابقه اللي ما يقوم على مصالح ولا غيره