قصيده اعجبتني جدا

جبرك الوقت ترجع لي جبرك وجيتني ندمان
دمرك الشوق ياخاين وجيت تســابق ظلالك

عرفت الحب بغيابي عرفت أنك معي غلطان
تأكـــد مايشــرفني طـــريق دربـــه وصـــالك

لعبت بحسبة جروحي وكتبت من الحزن عنوان
نسـيت اللي يحبــك مــوت وصار الغــير يحلالك

إذاغيري تبي قربه وصرت فبــــحره الغرقان
نصيحه لايموت الحب ومن قلبي هنيالك

نسيت إنك تبيع الحب وتجزي الطيب بالنكران
لعلمك بانت الصــــــوره وبانـــت نية أفعـــالك

تشب النار في قلبي وتنسى إني معك إنسان
تخالط بالشقا هيلــك وحب الهم فنجــــــــــالك

بعد مانقلبت الدنيا تجيني محــترق ولهــــان
تقول أرجوك سامحني وقلبي بداخله شالك

تبي قربي؟! أناحاظر ولكن باطلبك من شان
تشوف شلون لي عزه ترد الجرح لأمثـــــالك

أبي تبكي على شاني أبي تصرخ من الحرمان
لوأنــــــــي باخر الــدنيا أبيك تجر مـــــــــــوالك

أبيك تصير مجنوني ومن شافك يجي شفـــــقان
يقول شلون!!! علمني ؟ من اللي غير أحوالك؟؟

ترى هتلر بعد مجده تخلوا عنه الألمان!!!
وأنا من بعد حبي لك تركتك تقعد لحالك

تدل الدرب من دوني وقدمك سكة الأحزان
توكل لاتناديني ويعين الله على حالك

أنا يكفيني ذليتك وحديتك على الفقران
تقول الموت من بعدك واقول هناك أشوالك

غسلت يديني من حبك وابرحل واهجرك يافلان
فمان الله 00 باقيلك نصيحه وخلها فبالك

ترى من يضحك الاول مصيره باللعب خسران
وانا من يضحك الثاني عشان أحطم آمالك

للشاعر : فيصل الدلوم

اتمنى الرد على مواضيعي ولكم مني جزيل الشكر