نكت 2010توها وكاله

صباكم ئشطه نفر نفر
في حوستي بالبريد الخاص فيني
لقيت كم نكته اعجبتني وحبيت تشاركوني بالضحك والترفيه
ربي يسعد قلوبكم ويفرحكم دنيا واخره
أتمنى تحوز على اعجابكم
لا تنسونا من تعليقاتكم الطيبه



نبدأ بالنكت

7
7
7
7

محشش يسأل زوجته :

وش تفكرين فيه ؟

قالت :

نفس اللي تفكر فيه !

قال :

الله ياخذك .. بتتزوجين علي ؟!!



*****************

وحده تقول لزوجها :

إذبح خروفين بمناسبة مرور 10 سنوات على زواجنا ..

قال :

وش ذنب الخروفين في غلطة إرتكبها حمار ؟!!

*******************************

رجاجيل بإستراحة قال لهم واحد :

اللي يخاف من زوجته يقعد في الجهة اليسار ..

كلهم قاموا إلا واحد !

قال له نفس الواحد :

إنت ماتخاف من زوجتك ؟!

قال :

هي قايلة لي قبل ما أروح الإستراحة (( روح الإستراحة بس إن تحركت من

مكانك .. لعنت والدي والديك ))

*********************************************



بخيل كان في غيبوبة خمس سنين وصحي ،

قالوا له : الملك فهد مات

فتأثر

قالوا له : الحوثيين هجموا علينا .

فتأثر جدا جدا .

قالوا له : الناس في جدة غرقوا في السيل .

فتأثر جدا جدا ودمعت عيونه .

قالوا له : البيبسي صار بريال ونصف .

رجع للغيبوبة .

*************************************



فيه واحد راح لمصر ، بعدين رجع من مصر ،

وسأله جاره وين رحت ؟

قال : مارحت لأي مكان .

وهو كذاب راح لمصر ورجع .

( ساعد على نشر هذه القصة المعبرة )



*****************************************



خلقت المرأة للقافة ، ولتسأل زوجها دائما :

من قابلت ؟

ومن شفت ؟

ومن اتصل بك ؟

ومن رحت معاه أشوفك كاشخ؟

ومن ركب معاك أشوفك مغير المرتبة ؟

ومن .. ومن .. ومن !

لذا سميت المرأة بالإنجليزية ومن

وخلق الرجل للمصالة والاعتراض ،

لذا سموه بالإنجليزي مان

تأييد للسعوديات ،

مانيب موديكم !

مانيب جايبكم !

مانيب مخليك تروحين معاهم !

مانيب مقدم على شغالة !

مانعرفهم لاتروحون لهم !

ياذكيهم ذا الإنجليز .

(محشش مثقف)

**************************************

فيه محشش يركض منحاش ،

سألوه : ليش ؟

قال : ياخي افرض صار شيء فجأة !

********************************************

سواليف السعوديين على الأكل /

1 لاتتاغر .

2 سكر فمك وأنت تاكل .

3 لاتناشق ولاتلمس خشمك .

4 كل صحنك .

5 الله يقرفك لاتطلع صوت وأنت تاكل .

6 شف كبيت اللبن .

7 شوي شوي الصحن موب طاير .

8 يابنت عليك المواعين اليوم .

9 كل من مكانك .

10 فلان حطينا الغدا .!

************************************************

أعتذر للمفاجأة وإن كنتم تعتبرونها سارة ..

وأتشرف بدعوتكم لحضور حفل زفافي يوم الخميس ليلة الجمعة الموافق

21/1/1431

وذلك بقصر إيثار في مدينة جدة إن شاء الله

دعوتكم حق علينا وتشريفكم فخر لنا



لاتصدقون بس الرسايل ببلاش فقلنا نحلم ..

STC .. حياة احلم .

***************************************************

مدرس في التحفيظ يسمع للطلاب ..

راح للأول وقال له : ما اسمك ؟

رد : إبراهيم ..

قال : اقرأ سورة إبراهيم .

راح للثاني : ما اسمك ؟

رد : محمد ..

قال : اقرأ سورة محمد

راح للثالث : ما اسمك ؟

رد : اسمي يوسف بس يدلعوني كوثر !!



********************************************




سعودي يقول لخويه : نفسي أتزوج لبنانية ، لأن اللبنانيات مثل التفاح .. وإلا

سورية لأن السوريات مثل الخوخ ..

رد عليه : التفاح والخوخ يومين ويخربون .. خذ لك سعودية مثل (التمرة) خمسين

سنة ماتخرب !!

انشر تؤجر ( حملة جبر الخواطر )

****************************************************



* أكاذيب الحريم :

1 عيالي ما يأكلون

2 زوجي يموت فيني

3 تزوجت لأني حلوة

4 الحمل خرب جسمي

5 محد يصبر صبري

6 كل ما رحت عرس خطبوني

7 من يشوفني يقول صغيرة

8 محد يصدق إن هاذي بنتي

9 من أمس ما رقدت إلا ساعة

10 حملت بالغلط

*****************************************



محشش يقول للدكتور : أنا عندي مشكلة .!

قال الدكتور : إيش هي ؟!

قال : أكلم ناس بس ماأشوفهم .!

قال الدكتور : متى تجيك الحالة ؟!

قال المحشش : إذا كلمت بالتليفون .

*****************************************



للحياة معنى ،

ومعنى الحياة بحروفها ،

وحروفها ست ،

وست يعني حرمة ،

والحرمة تبي رجال ،

والرجال يبي عيال ،

والعيال يبون حليب ،

والحليب عند البقر ،

والبقر يبي حشيش ،

والحشيش يخليك مدمن ،

والمدمن يصير مروج ،

والمروج يروح السجن !

الاستنتاج /

السجن هو مصيرك إذا دخلت حياتك حرمة .

تحليل محشش





*******************************************



.

فوائد الزوجه النكديه:

1 تجعل لسان زوجها رطبآ بذكر الله (طول اليوم يردد :حسبي الله ونعم الوكيل )

2 غض البصر (بأسبابها يكره كل الحريم )

3 صلة الرحم (على طول شارد بيت أهله من نكدها)

4 المحافظه على الوزن (دايم نفسه منسده )

يعني سبحان الله حتى وهي نكديه فيها فايده ..

**********************************************






أخى المسلم

اليوم الاثنين و غدا سيكون الثلاثاء بإذن الله.

أنشر ، و لك الأجر إن شاء الله .

( محشش ملتزم )

***************************************




وزارة التربية والتعليم تشكر شركة الاتصالات ، بسبب

تعلم الكثير من المواطنين التعبير والإملاء خلال 3 أيام

وهو ماعجزت عنه المدارس خلال عشرات السنين من التعليم .

**********************************************

* مراحل نمو المرأة السعودية :

طفلة معقدة

مراهقة مكبوته

شابة مكروفة

زوجة مقهورة

ام صبورة

عجوز ملقوفه !!

* مراحل نمو الرجل السعودي :

طفل جني

مراهق متهور

شاب صايع

زوج خاين

اب مهمل

شايب يطفي اللمبات !!



*****************************************

الثلاجة الشامية و الثلاجة السعودية

1 - الشامية

* حمص بلدي

* تبولة

*ورق عنب

*عصير برتئان

* بقدونس

* فواكه

2 - السعودية

* رز من أمس

* حبحب بكيس

* علبة ببسي مشروب نصفها

* شطة ضايع غطاها

* لبن منتهي تاريخه

* أسكريم مدسوس ورا اللحم

* مرة منقعة في فنجان

* موية مقري فيها





تحياتي لبَى خفوقي

اسعدني مروركم