قصيدة الوسام الذهبي ( الظالمه ) ؟

بكلـــــــــ ... حب ..

أهديها ...لكم أحبتي ..

خصيصاً لمسابقتكم الرائدة ...

لكم أنتم كم عرفتكم ...

هي حصرياً لهذه المسابقة ...

أرجو أن ترقى لمسامعكم ...

....محبكم / رفيع الشــــــــأن


(( الظــــــــــــــــــالمة ..!؟))





لو قربت اكثر تخيلني دمرتك
ولو بعدت اكثر انا اللي ماصبرت!
اشتريت الجرح دامني خسرتك
اشتريت الصمت دامني خسرت!
عكروا صافيك عني ماسكرتك
ياظما يشبه زماني ما سكرت!
تعتذر مني علامك ماعذرتك
واعتذر منك علامك ماعذرت!
اعرف اني اجبرك يمكن كسرتك
واعرف اني اكسرك يمكن جبرت!
ياضرير الحب ماكني خبرتك
وش خبرت ارجوك اصمت وش خبرت!
لو احس انك تناساني شكرتك
ولو احس اني تناسيتك شكرت!
بس انا ياظل عنواني ذكرتك
اذكر اني اذكرك لو ماذكرت!
لو تغيب شوي ياظني قبرتك
لو يغيب الشوق ياظني قبرت!
لو اقول الظالمه يمكن سترتك
ولو اقول الظاهره يمكن سترت!
ياعنيد الموج تعرفني عبرتك
ولو تضاعف موجتك تعرف عبرت!


**************************************************

لكم أنتم اهديها .........!؟