شموخ عزي مشرف عالم الصداقات والتعارف
عدد المساهمات : 733 تاريخ التسجيل : 01/12/2009
| موضوع: قصيدة رووووعه لاتفوتكممم الثلاثاء يناير 12, 2010 9:58 am | |
| قــالت مساء الخير يـا طيّـب الفـال
قـلـت ارحــبـي تــرحيبـةٍ مستديمـة
بـالـعــود والصفـري ودلـة وفنجـال
واجـبـك يا بنت الأصـول الكريمـة
وردت بضحكة ثم قالت وش الحـال؟
قلت اشهد إن الحال عقبك سقيمـة
قالت وهي تضحك بعد مثل الأطفال
وانـــا بـعـــد كــنــي بــدونـك يتيمـة
مـــن يـوم قـالـتهـا تزلزلـت زلـزال
مــن فجعتي كنـي مسـوي جريمـة
قلت ارفعي صوتك ترى مابه ارسال
كـــذاب لــكـنّ المصيبـة عظيمـة
قالت أقول اسمع ترى هرجنـا طـال
مــمكـن تصاحبنـي ترانـي وسيمـة
واسمي الحقيقي أول حروفـه الـدال
لــكـــن يسمّونـي البنـات الزعيمـة
صحيح أحب الفخفخة واعشق المال
لكـن ترانـي طــاهــرة مستقيـمـة
ما عندي امغازل ولا( لعب يهّـال )
ما عندي إلا في الشرف والحشيمـة
بس الصراحة قلبي لشوفتـك مـال
واصبحت وحدك جالسٍ في صميمه
فكّر بعقلك واترك القيـل والقـال
واحذر تطيع اهل العقـول العقيمـة
وارسل علي الحين خمسميـة ريـال
أشحن بهـا جـوال أختـي غنيمـة
أو طقم غالي فيه خاتـم وسلسـال
أروح بـه فـي عـرس ولاّ عزيمـة
قلت الحقيقة مانيب رجـل أعمـال
ولانـي بتاجـر والمـوارد عديـمـة
أنا الصراحة شبـه عطّـال بطّـال
وعلاقتـي بالفــقـــر جـداً حميـمـة
والراتب الله يرحم الحـال مـا زال
محـدود والمصـروف ربـي عليمـه
والــديـن بـالآلاف والبنـك شغّـال
يــاكـل فـلـوسـي بالربـا والظليمـة
والسوق طايح والغلا ضيّـق البـال
والموت والله صايـر اكبـر غنيمـة
قالت تحمّل بـس والحمـل ينشـال
خلك شديد الباس صلـب العزيمـة
ياخي تصرّف جعلك اتصيـر نشّـال
أهـــــم شــي إن النوايـا سليـمـة
لابــد تـفـهمني علـى كـل الأحـوال
ما دمت من أهل العقـول الفهيمـة
قلت إيه والله فاهم اللي على البـال
لــكــن تــرى هـذي علينـا قديمـة
يــا بـنت هـذا صايـر اليـوم مـوال
للي تبي تلعب علـى ابـن اللئيمـة
يا بـنــت ما تدرين كـم فيـه محتـال
يلعب على الحبلين وانتـي غشيمـة
يا بنت كم من جاهلة دمعها سـال
من عقب ما جات العواقب وخيمـة
والبنت لا اقتفى عرضها بيد الأنـذال
والله مــا يــبـقـى لهـا أي قيـمـة
قالت تبي ولاّ فـ خـلّك علـى جـال
مهوب ناقصـني نصايـح حكيمـة
عز الله إنك للأسف منـت رجّـال
وانك قليل الذوق ما فيـك شيمـة
يا لعنبو اللي مـا يسطّـرك بنعـال
حــتـى يـعـلمـك الغـزل يـا بهيمـة
( تفو ) عليك وصكّت الخط في الحال
مدري ( تفو ) هي مدح ولاّ شتيمـة | |
|
mohamedabdo عضو مميز
عدد المساهمات : 388 تاريخ التسجيل : 25/12/2009 الموقع : https://hghgh.yoo7.com
| موضوع: رد: قصيدة رووووعه لاتفوتكممم الثلاثاء يناير 12, 2010 11:47 am | |
| تسلمى يا شموخ مستنين كل جديد | |
|
عبير الورد عضو مميز
عدد المساهمات : 378 تاريخ التسجيل : 07/01/2010
| موضوع: رد: قصيدة رووووعه لاتفوتكممم السبت يناير 16, 2010 12:35 pm | |
| يسلموووو قصيده رائعه يعطيك العافيه | |
|
شموخ عزي مشرف عالم الصداقات والتعارف
عدد المساهمات : 733 تاريخ التسجيل : 01/12/2009
| موضوع: رد: قصيدة رووووعه لاتفوتكممم الأحد يناير 17, 2010 10:30 am | |
| يسلمووو على مروركم الله يعطيكم الف عافيه | |
|
سلطان زماني عضوية الماسية
عدد المساهمات : 2000 تاريخ التسجيل : 25/12/2009 العمر : 34
| موضوع: رد: قصيدة رووووعه لاتفوتكممم الأحد يناير 17, 2010 2:05 pm | |
| | |
|
خجولة الورد مشرف عالم الفن والرسم والصور
عدد المساهمات : 765 تاريخ التسجيل : 05/12/2009
| موضوع: رد: قصيدة رووووعه لاتفوتكممم الأحد يناير 17, 2010 2:23 pm | |
| | |
|
شموخ عزي مشرف عالم الصداقات والتعارف
عدد المساهمات : 733 تاريخ التسجيل : 01/12/2009
| موضوع: رد: قصيدة رووووعه لاتفوتكممم الإثنين يناير 18, 2010 11:41 am | |
| | |
|