موقف محرج جدا بنت مع خطيبها

موقف محرج بين بنت وخطيبها!!

البنت من النوع الخجول لابعد الحدود .. وكانت تخجل أشد الخجل من خطيبها لدرجة انك تقطعها ما تأكل قدامه ولا تشرب

تقول جاءهم خطيبها ذاك اليوم الظهر ( وش يبي ذا جاي بعز الظهر)
وتوها قايمه من النوم(يلعن ام الشكل اكيد منفخ ورايح بخرايطها)
في عطلة نهاية الاسبوع
ماامداها تفك ريقها...الاهو موجود
خلصت بسرعه بسرعه وماشبعت طبعا... المهم جلس عندهم لما جاء وقت الغداء كل اهلها قامو يتغدون....
فقال لها خطيبها تعالي تغدي معنا قالت لا انا شبعانه توني مفطره
قال لها : عشان خاطري تعالي
قالت : خاطرك ع عيني وراسي بس مافي مكان للأكل مو قادره لاني شبعانه (وهي جوعانه بس من كثر الخجل تذبحها ماتأكل قدامه)
المهم جاء العصر استاذن خطيبها من اهلها انه بيأخذها ويرحون محلات الاثاث يختارون اثاث شقتهم..
وافقوا الأهل وطلعت البنت معه وهي ميته جوع جاء بينزلها الكوفي قالت لا مأقدر اشرب كوفي (وهي عيونها بتطلع من الدريشه من الجوع ودها تأكل المحل بكبره)
قال: يابنت الناس تحلين ع الأقل
قالت: لا والله كنت شاربه كوفي ومحليه بالبيت(وهي ماذاقت ريحته)
(وهي من هناك حاسه بدوخه تبي ترجع البيت ولف فيها لف لف والبنت ميته من الجوع وزادت زياده تفكر بافغستان والفقر وكل شي ذيك الساعه خطر ع بالها)
وهي مو قادره تتحرك وتكابر ماتبي تاكل قدامه...يوم ماقدرت تمسك نفسها قالت له ياليت نرجع البيت لاني مصدعه..
قال :ابي اعزمك ع العشا برا
قالت: لا واللي يعافيك مافيه محل للعشا شبعااااانه
رجعوا البيت الا امها مسويه لهم العشا وكانت بتطلع...حطت العشا وماكان في البيت الا هو و هي
قال:تخليني اتعشى بالحالي تعالي تعشي معي
قالت:لا توني متعشيه( اشفيه هذا مايفهم؟ بالغصب يعني)
قال: شلون توك متعشيه وانتي طول الوقت معي
انحرجت وضحكت قالت:الظاهر كثرت من الاكل لما قمت والشيز كيك حليت زياده عن اللزوم احس اني ماأقدر أكل اكثر من كذا...

مد يده لها بياكلها من ايده قالت: لا والله ماقدر
اصر عليها وقالها عشان خاطري
قالت:مأااااقدر
قال:بس هذي اللقمه عشان خاطري بس هذي
قالت:ودي بس احس اني بارجع من كثر مو شبعانه والله ودي
عذرها وقال: لهدرجه شبعانه؟؟
قالت: واكثر بعد
خلص عشا وغسل ايديه
وقال:اسئتاذن حبيتي الحين لازم امشي(وهي اول مره تتمنى طلعته بسرعه من كثر ماهي جوعانه هلكت مسكينه)
قالت:عادي حبيبي خلنا نشوفك
(الرجال استغرب مالزمت عليه قام ينظرها وعيونه تطلع وترجع)
المهم مشت معه الين ماطلع عند الباب ....من كثر الجوع ما قفلت الباب وراحت تركض ع صينية العشاء وهي بالمطبخ تأكل بشرااااااهه وهي واقفه ماقدرت تقعد..
في هذا الوقت خطيبها نسى مفتاح سيارته فرجع بيأخذه دخل وهو قريبها(ولد عمها) فحب يسلم عليها ويقول انه رجع يأخذ مفتاح سيارته سمع صوت بالمطبخ دخل عليها... وهي من كثر الجوع ماحست انه وراها..جلس وراها مكتف ايديه ينظرها تأكل وتأكل وتأكل بشراهه اليين ماخلصت..التفتت وراها واقف مبتسم وهو ينظرها بعين
ياااا الهي هي اساسا خجوله وتخيلو شافها وهي كذا!!!
قال:ليه كذبتي وقلت شبعانه؟؟كل هذا جوع؟؟
البنت بغى يغمى عليها من الاحراج